გაკვეთილის გეგმა IX კლასში

სკოლა	ჩოხატაურის მუნიციპალიტეტის ბუკნარის საჯარო სკოლა
მასწავლებელი	მაკა კუტუბიძე
თარიღი	30.04.2018.
საფეხური/ კლასი	საბაზო / IX
მოსწავლეთა პროფილი	12
საგანი	ქართული ენა და ლიტერატურა
თემა	კონსტანტინე გამსახურდიას მოთხრობა „დიდი იოსები“
გაკვეთილის მიზანი	მოსწავლე შეძლებს გაანალიზოს და შეაფასოს, ავტორის მეტყველების თავისებურების ამოცნობით, მთხრობელის დამოკიდებულება კონკრეტული გმირისა თუ ისტორიული ეპოქის მიმართ.
შედეგები	ქართ. IX. 6. მოსწავლეს შეუძლია პრობლემურ ან სადავო საკითხებზე სხვადასხვა თვალსაზრისის შემცველი მხატვრული და არამხატვრული ტექსტების გააზრება-გაანალიზება და მათ მიმართ საკუთარი დამოკიდებულების გამოხატვა. ქართ. IX. 7. მოსწავლეს შეუძლია ენობრივ-გამომსახველობითი საშუალებების ცოდნის გამოყენება სხვადასხვა სახის ტექსტების ანალიზისას.
საჭირო წინარე ცოდნა	კ.ნადირაძის ლექსი „25 თებერვალი.1921წ.; სახელმძღვანელოში წარმოდგენილი რუბრიკა-გიორგი მაზნიაშვილის მოგონებები 1921 წლის ტრაგიკულ მოვლენებზე; 1924 წლის აგვისტოს აჯანყება; მწერლის ბიოგრაფია; ტექსტის შინაარსი; პესონაჟის ხატვის ხერხები.
შეფასება	განმავითარებელი, განმსაზღვრელი. განმავითარებელი შეფასების რუბრიკები.
საჭირო რესურსები	დაფა, ცარცი, კალამი, რვეული, მარკერები, თაბახის ფურცლები, სქემები.
გაკვეთილის მსვლელობა	აქტივობა I. -3 წთ. აქტივობის მიზანი-(მიზნისა და შეფასების კრიტერიუმების ცოდნა) საორგანიზაციო საკითხები (მისალმება, მიზნისა და შეფასების რუბრიკების გაცნობა). აქტივობა II. -3 წთ. აქტივობის მიზანი- (წერის კულტურის განვითარება) საშინაო დავალების გამოკითხვა ( მასწავლებელი ამოწმებს მოსწავლეებს როგორ აქვთ გადმოცემული ტექსტის შინაარსის მოკლე გეგმა). აქტივობა III. –4 წთ. აქტივობის მიზანი- წინა ცოდნის გააქტიურება. მეთოდით: „დაწყვილდი გაუზიარე“ მოსწავლეებს ვთხოვ პარტნიორთან ერთად გაიხსენონ და ჩამოწერონ, რა იციან 1921 წლის 25 თებერვლისა და 1924 წლის აჯანყების შესახებ. აქტივობა IV. –4 წთ. აქტივობის მიზანი- (უკვე შეძენილი ცოდნისა და გამოცდილების ახალთან დაკავშირება). გონებრივი იერიშით ასოციაციური კავშირის დამყარება ძველსა და ახალს შორის. მთხრობელის პერსონაჟისადმი დამოკიდებულების განსაზღვრა სქემების დახმარებით. აქტივობა V. –15 წთ. აქტივობის მიზანი- (ჯგუფური მუშაობით თანამშრომლობის, ტექსტის ანალიზის, ლოგიკური მსჯელობის უნარის განვითარება). ჯგუფური მუშაობის წესების შეხსენება, კლასის ორ ჯგუფად გაყოფა, თითოეულისთვის შესაბამისი დავალების მიცემა. I ჯგუფი ამოწერს იოსების დამახასიათებელ დეტალებს, II ჯგუფი კი - ეპოქის დამახასიათებელ დეტალებსა და ავტორისეულ გადახვევებს. გააკეთებენ „ორმხრივ ჩანაწერთა დღიურს“(მეთოდი ნაცნობია)- ყოველ დამახასიათებელ დეტალს გვერდით მიუწერენ ემოციურ კომენტარს. აქტივობა VI. – 15 წთ. აქტივობის მიზანი- (ზეპირმეტყველების უნარისა და კრიტიკული აზროვნების განვითარება). ჯგუფების პრეზენტაცია. პრეზენტაციით მოსწავლეთა ნააზრევის შეჯამება-დასკვნის გამოტანა, მოსწავლეების მიერ მთავარი სათქმელის გამოკვეთა. აქტივობა VII. –2 წთ. აქტივობის მიზანი- (თვითშეფასების უნარის განვითარება). მოსწავლეების შეფასება განმავითარებელი შეფასების რუბრიკებით. აქტივობა VIII. –1 წთ. აქტივობის მიზანი-( შემოქმედებითი უნარის განვითარება). საშინაო დავალების მიცემა, დაწერონ ესე- „დიდი იოსები-რაინდული სულის თუ სხეულის მსახური?“